Þið draumaráðninga fólk þarna getið reynt ykkur á þessum   Man ekki hvernig draumurinn byrjaði en var semsagt að ég fékk vinnu sem ég gat ekki sagt nei við, fékk ekki að ráða hvort ég tæki vinnuna eða ekki.  En semsagt vinnan var að ég hefði þurft að fara og ferðast um allan heim í heilt ár án þess að koma nokkurn tímann heim.  Og það sem ég man best eftir var að ég var að reyna að ákveða hvort ég ætti að taka Samönthu með mér (mátti það alveg í draumnum) og Chris myndi missa af heilu ári með henni, eða vera ekki sjálfselsk og skilja hana eftir hjá Chris, sem þýtti þá að ég fengi ekki að sjá hana í heilt ár   Leið svo hrikalega illa í draumnum að reyna að ákveða hvort ég skildi gera því ég gat ekki sagt nei við vinnunni, gat ekki hugsað mér að sjá ekki Samönthu í heilt ár eða að Chris gæti ekki séð hana í heilt ár.  Líður ennþá bara illa að hugsa um það Verðið að reyna að ráða þennan fyrir mig, btw ég tók aldrei neina ákvörðun í draumnum um hvað ég myndi gera.

Annars er búin að vera þvílíkur ands....., helv......, fjand... hiti hérna seinustu 3 vikur eða svo   Hefur ekki orku til að gera neitt í svona hita, og svo er Skotland ekkert búið fyrir svona hita, getur ekki farið neins staðar til að reyna að kæla sig niður.  Búin að heyra um nokkra með hitaslög og var komin nokkuð nálægt einu sjálf um daginn.  Annars held ég að það sé best að vera bara krakki eins og Samantha í svona veðri.  Litla laugin hennar er búin að vera notuð meira þessar þrjár vikur en öll önnur heil ár.  Og hún er búin að vera að leika sér í kaldri sturtu heilmikið líka   Öfunda hana oft að geta verið bara berrössuð.  Annars er þetta að skána núna, búin að fá smá vind núna sem hjálpar heilmikið og svo er farið að rigna líka aftur.  Annars veit ég ekki hvort að Chris sé ánægður með það, þar sem í seinustu viku sló hann grasið eftir að hafa ekki gert það í 2 vikur og það var varla neitt gras til að slá   Meira að segja orðið hálf gult.  Annars reif hann upp allt blómabeðið fyrir utan húsið, engin smá munur.  Erum reyndar ekkert búin að planta neitt í staðinn en lítur samt miklu betur út, þar sem maður var hættur að sjá neinar plöntur fyrir þistlum.

Læt þetta duga fyrir ykkur í bili, Samantha byrjar aftur á leikskólanum á morgun svo vonandi verð ég duglegri að skrifa

Hlakka til að heyra draumaráðningarnar

Nanna

ekki ég en samt ánægð að það varð ekki heimsendir

Búið að vera mikið að gera hjá mér í júní.  Mamma og Bragi komu og voru í tvær vikur, fórum auðvitað á alla túristastaðina, kastalann og minnismerkið og sollis.  Og svo komu Heiða og Ólína en þær voru búnar að sjá alla túristastaðina svo ég fór bara með þær í búðir og jú tívolí, sem kom í bæinn akkúrat vikuna sem þær voru Alltaf gaman að fá góða gesti, takk allir fyrir komuna

Svo fórum við í sirkus á fimmtudaginn með Samönthu sem var alveg þrælgaman líka, reyndar var Samantha orðin drulluþreytt eftir tveggja tíma show, meira að segja trúðarnir voru ekki eins spennandi á endanum

Svo fer Samantha næstu helgi til Dundee til að vera hjá ömmu sinni þar   Er svosem nóg að gera hérna heima til að stytta sér stundir, hef ekki mikið verið að þrífa með húsið fullt af gestum og svo búin að vera þvílík hitabylgja síðan allir fóru að maður getur varla hreyft sveittan rassinn   En veðrið orðið eðlilegt aftur með rigningum og blíðu svo maður getur farið að gera eitthvað

Lifið heil

Nanna

Jæja búin að vera nokkuð löt núna að blogga  

Heilmikið búið að gerast samt, Samantha fór til ömmu sinnar yfir helgi til Dundee fyrir viku síðan, svo kom amma hennar hérna þessa helgi.  Fór út með vinnunni að borða líka um daginn og var alveg þrælgaman.  Vorum með grill fyrir Liz, Lauru, Darren og Ethan á laugardaginn sem var þvílíkt gaman líka   Ethan og Samantha léku sér svo vel saman og svo enduðum við í vatnsbyssu-slag við barnabörn nágrannans   Var þvílíkt æðislegt veður líka.

Svo koma fullt af fólki í kvöld í niðurtalningu   Þar sem heimurinn er að fara að enda héldum við að það væri best að vera með vinum okkar og gera eitthvað skemmtilegt áður híhíhí

Svo koma mamma og Bragi á föstudaginn   Og ég fæ fullt af mat   Veit ekki hvort ég hlakka meira til að sjá þau eða matinn   Svo ég býst ekki við að ég verði neitt dugleg við að blogga í júní því svo koma Ólína og Heiða þegar mamma og Bragi fara, og maður nú nennir ekkert að vera að hanga í tölvunni þegar maður fær góða gesti

Vona bara að heimurinn endi ekki á morgun

Haldiði ekki að ég eigi klikkaðan krakka  Var bankað hérna kl 10 og hver var það ekki nema Samantha  Maginn á mér alveg snerist þegar ég sá hana standa þarna eina, hljóp með hana strax á leikskólann aftur því auðvitað vissi ég að þau væru að deyja úr áhyggjum að hafa týnt barninu mínu.  Voru 5 af 7 starfmönnum hlaupandi útum allt þegar ég kom þangað.  Þá hafði hún sagt þeim að hún ætlaði á klósettið, sem er fyrir utan herbergið þeirra, en farið í staðinn í gegnum 2 öryggishurðir og hlaupið alla leiðina heim   Samantha var ekkert hrifin af því að vera skilin eftir aftur en þau leyfðu henni að fara niður til að hitta "gömlu" vini sína, svo hún fékkst til þess að fara inn   Verð nú að segja að fyrst hún komst alla leiðina heim heil og höldnu að þetta sé sennilega bara gott mál, því nú ætla þau að láta betri öryggishurðir inn svo þetta komi ekki fyrir aftur.  Svo Samantha hefur kannski þarna bjargað einhverjum öðrum   Get sennilega hlegið að þessu seinna meir

Nanna

Oh well, fannst alltaf eurovision partýin heima alltaf frekar leiðinleg, þar sem ég nennti aldrei að horfa á það.  En hvað haldiði að ég hafi byrjað??  Langar til að sjá Ísland og Chris datt í hug að bjóða strákunum á laugardaginn í heimsókn, svo ég sagði honum að Eurovision væri það kvöld svo honum datt í hug að hafa bara Eurovision partý   Og ekki nóg með það, vinur hans í vinnunni ákvað að hafa eitt líka þegar hann heyrði að Chris hefði eitt, svo ég hef byrjað 2 partý núna Oh well.

Annars verður Ísland að komast áfram þar sem það er ekki sýnd undankeppnin hérna á morgun

Annars sagði ég ykkur aldrei góðu fréttirnar  Var í fréttunum um daginn að það væri að banna ruslfæði í grunnskólum í Skotlandi   Hef haft þvílíkar áhyggjur af Samönthu þegar hún fer í skóla en þarf þess ekki lengur.  Og ekki nóg með það.....Disney ætlar að hætta að vinna með McDonalds svo það verður ekki hægt að fá þeirra dót þar bráðum OG það á að fara banna skyndibitaauglýsingar í sjónvarpinu fyrir vissan tíma á kvöldin

Nanna sem er full af góðum fréttum

Búin að vera í björgunarleiðangri í morgun   Fór út i bakgarðinn eftir að fara með Samönthu á leikskólann og sá að fugl var fastur í grind sem er á húsinu   Ætlaði að vera svo klár og bara skrúfa grindina af en hún var sementuð í, svo ég svo klár að ég hringdi í góðgerðastarfsemi fyrir dýr til að hjálpa.  En svarið sem ég fékk þar (eftir að bíða hálftíma í símanum) var að fyrst að hann var fastur í húsinu gætu þeir ekkert gert þar sem þeir mega ekki snerta hús   Gátu ekki einu sinni sagt mér í hvern ég gæti hringt til að hjálpa.  Svo ég aftur svo klár að ég bankaði bara uppá hjá Brian og hann kom út með hamar og losaði grindina   Svo hálftíma seinna flaug fuglinn upp í hreiðrið sitt í næsta garði við mikinn fögnuð

Svo er ég að fara á morgun að hjálpa til á leikskólanum, báðu mig um að skrifa fréttabréfið fyrir sig, gefa það út í hverjum mánuði   Er í fríi aftur á morgun hvort eð er.  En er að vinna á laugardaginn   Ég sem var búin að ákveða að horfa á íslenska lagið, annars ef þið getið sagt mér hvar í röðinni við erum?  Því ég er alltaf búin svo snemma að ég gæti verið komin heim um 9 og Eurovision byrjar ekki hérna fyrr en 8, svo ef við erum aftarlega get ég flýtt mér heim og náð því

Skrifa seinna

Nanna Frelsari

Búin að vera alveg ágæt vika hérna   Tengdó búin að vera allt í lagi meira að segja   Alveg ágætt að koma heim eftir vinnu og þurfa ekki að elda fyrir Chris, þar sem hún bauðst alltaf til þess   Og húsið var alltaf svo fínt þegar maður kom heim að maður gat bara sest niður og slappað af, þarf sennilega að vaska allt uppúr skápunum þegar hún fer en er að verða vön því    Ótrúlegt hvað maður verður fljótt latur samt, 2 kvöld í þessarri viku er ég búin að fá far heim eftir vinnu en á miðvikudaginn þurfti ég að labba heim og það bara virtist vera svo erfitt, þangað til ég lagði af stað   Svo þarf ég að reyna að skilja eitthvað í þessum skattaafslátti þegar ég fæ útborgað í dag, held að ég þurfi að hringja í Skattstofuna aðra hverja viku þegar ég fæ borgað til að láta þá vita hvað ég fæ, þar sem það verður auðvitað mismunandi hvað ég fæ útborgað, og vil ekki lenda í því að þurfa að borga hellings upphæð til baka

Annars fékk ég bréf á leikskólanum í gær.  Eru að bjóða Samönthu 2 og hálfan tíma á dag mán-fös, er núna bara mið-fös.  Byrjar í ágúst, þarf sennilega meiri frítíma eftir maður verður háaldraður híhíhí   En þetta er allt frítt svo auðvitað tekur maður þá tíma, sérstaklega meðan hún hefur svona gaman af því að fara.  Annars er ein "spýtan" hennar farin að vaxa, svo ég hef eitthvað vit á garðyrkju, eða kannski var það bara Glæðirinn hans pabba sem bjargaði því

Læt þessa lesningu duga í bili, er að vinna alla helgina svo ekki búast við miklu bloggi

Fyrsta vinnuhelgin að baki, og ég var komin heim klukkan 7:30   Var bara eitt borð í kvöld og lokar klukkan 7 og svo fékk ég far heim líka, ekkert smá gott að vera búin svona snemma og hafa allt kvöldið   Svo ég hafði enn orku í að búa til salat og súpu.  Liz ætlar að koma í næstu viku og passa fyrir okkur þar sem ég er á kvöldvakt og Chris líka

Var að tékka á blackcurrent á gestgjafinn.is og það heitir víst sólber. Samantha tékkar ennþá hvort það séu komin ber

Annars var Chris að búa til nýja síðu fyrir Samönthu, http://www.freyja.co.nr/ en hún er ekki alveg búin reyndar, komnar nokkrar myndir og er á ensku en ætlum annað hvort að búa til aðra eða breyta yfir í íslensku, þar sem það er mest íslendingar sem kíkja inn.  Finnst bara erfitt að borga fyrir barnaland þegar er svona mikið af fríum síðum alls staðar, alltaf gott að spara pening   Annars verðið þið víst að fyrirgefa, nefnilega að síðan er beint af tölvunni okkar þá er ekki hægt að komast inná hana nema okkar tölva sé tengt, en verður sjálfsagt ekkert vandamál þar sem okkar tölva er alltaf tengt.  Nema við förum eitthvað í ferðalag en engin plön fyrir það hvort eð er

heldur betur, brann á bakinu í gær   Var að reyta illgresi í gær til að geta plantað "spýtunum" hennar Samönthu, tók ekki nema um hálftíma en mér tókst nú samt að brenna pínu, en er bara pínu svo ég finn ekkert fyrir því   Samantha fékk "spýturnar" sínar á mánudaginn og ég er búin að lofa henni síðan að planta þeim, hefur bara aldrei verið almennilegt veður.  Er svona blackcurrent runni (veit ekki hvað berin heita á íslensku) sem hún fékk fyrir að kaupa blackcurrent djús.  Svo þegar hún vaknaði í morgun vildi hún náttúrulega endilega kíkja út til að sjá hvort það væru komin ber híhí en við fáum engin náttúrulega fyrr en eftir 2 ár   Vona að hún þurfi ekki að tékka á hverjum degi í 2 ár híhí.

Fer að vinna í kvöld og annað kvöld, gott að fá helgar, fólk gefur meira þjórfé þá  

Best að fara elda hádegismat fyrir Chris, hann var að koma heim úr vinnunni

Gleymdi alveg að nefna það í gær en vissuð þið að klukkan og ártalið varð

01:02:03,04.05.06

klukkan 3 sek. 2 mín. yfir eitt seinustu nótt

Jæja fyrsti vinnudagurinn búin   Gekk bara mjög vel, var bara mest kaffi og te í morgun og samlokur hvort eð er, og hef unnið með kaffivél eins og þau hafa svo það gekk vel.  Hún ætlar meira að segja að hafa mig eina á morgun, svo ég hef ekki verið það slæm   Allt fastakúnnar þarna svo að andrúmsloftið var alveg frábært og hálf fjölskyldan vinnur þarna, svo þetta minnti mig pínu á Bjarkarlund   Nema bara að veitingastaðurinn er jafnvel minni.

Samantha var samt ekkert voðalega ánægð í morgun að vera skilin eftir hjá pabba sínum, en viss um að hún jafni sig á því þegar hún venst því.  Og verð líklega meira á kvöldvöktum svo hún verður farin að sofa þá.

Annars ekkert annað héðan, er alveg frábært sumarveður svo við Samantha ætlum að reyna að gera eitthvað í garðinum í dag.

Jæja þá er þriðja og seinasta afmælið þessa vikuna búið, guði sé lof   Allir krakkarnir hálfskotar þarna í dag   Og var alveg fínt, var svo frábært veður að pabbinn setti upp hoppikastala útí garði og þau léku sér allan tímann þar, meðan við sátum inni og borðuðum allan frábæra matinn sem Si Choi bjó til   Heimatilbúnar vorrúllur og kjúklingur og salöt nammi namm   Líkar afmælispartý þar sem er matur fyrir fullorðna fólkið líka

Annars var viðtalið í gær alveg fínt, en hef held ég ekki mikla von   Var alveg stór búnki af umsóknum þarna.  En hefði verið svo fínt samt, 16-20 tímar á viku og ég hefði getað valið hvaða vinnutíma ég vildi vinna milli 8-18, sem væri frábært auðvitað.  Fæ að vita um golfklúbbinn á mánudaginn.

Ætlum að labba niðrí bæ á morgun og kaupa nýja skó fyrir litlu þar sem hennar gömlu eru svo þrælslitnir og hjól fyrir Chris.  Hann er búin að ákveða að fara að hjóla í vinnuna   Til að hreyfa sig og spara í leiðinni pening

Svo er Samantha að flytja upp í elstu deildina í leikskólanum, byrjaði í morgun og hún alveg sætti sig við það.  Sögðu að það væri eins og hún hefði alltaf verið þarna, en hún vildi ekki viðurkenna að hún væri að verða ein af stóru krökkunum þar sem hún sagðist þurfa að stækka aðeins meira    Tilkynnti það líka um daginn að hún ætlaði alltaf að vera dugleg að borða matinn sinn svo hún fengi stóran rass og myndi þá ekki detta ofaní klósettið

Verð að fara koma henni í rúmið núna, seeya

Vúhú, það tókst, eftir allt þá þurfti ég ekkert að skrá í sirkus   Var bara erfitt að muna kennitöluna aftur

Varla búin að vera heima seinustu daga.  Fór í viðtal á laugardaginn og fer í annað á morgun, fæ ekkert í marga mánuði og tvö koma á sama tíma

Ég og Samantha fórum í heimsókn til Jerute og Kotrynu á mánudaginn og ætluðum með dömurnar í leikhús, en þegar við komum á staðinn var búið að aflýsa   Voru bara 3 aðrir sem ætluðu að fara og það var ekki nóg.  Mikil óhamingja á leiðinni heim.  Samönthu langaði að fara með Kotrynu útá róló en þegar hún vildi það ekki hélt Samantha að hún vildi ekki vera vinkona hennar svo það var aftur mikill grátur

Fórum svo til læknis í gær, litla er búin að vera kvarta yfir maganum síðan hún fékk flensuna um daginn og læknirinn heldur að þetta sé bara smá harðlífi aftur   Og Samantha, karlremban, var ekkert of ánægð að fá konulækni   En sætti sig við það þegar hún leyði henni að hlusta á hjartað í sjálfro sér   Veit ekki hvaðan hún hefur þessa karlrembu

Annars ætla ég að taka það rólegt þessa vikuna, búin að labba svo mikið seinustu daganna að ég vakna með þreyttar fætur   Bara versta að veðrið er svo gott að það er erfitt að hanga bara heima, hélt að ég myndi nú aldrei kvarta yfir góðu veðri

Læt ykkur vita hvernig viðtalið gengur á morgun, allir að krossa fingurnar kl 10:30 á morgun fyrir mig

Búin að vera alveg frábær dagur í dag   

Vöknuðum ekki fyrr en um 8 sem var alveg fínt að fá að sofa aðeins lengur   Og Samantha fór að leita að eggjunum og var alveg að verða pirruð þegar hún loksins fann eitt híhí.  Földum 5 stór egg og 3 kinder egg svo það tók hana smá tíma   Ekki að öll eggin hafi verið hennar, ég átti eitt og Chris eitt og svo var eitt af því stóra með bara leikföngum í, svo þetta var ekkert alltof mikið súkkulaði sem hún fékk   Annars er hún svo góð að hún er búin að gefa okkur alveg hellings súkkulaði, man aldrei eftir að hafa boðið mínum foreldrum páskaegg þegar ég var krakki  

Fórum með samlokur og egg í kastalann og sátum þar með okkar litla picnic, alveg frábært veður fyrir það líka   Og svo var alls konar fyrir krakka í kastalanum, þegar við mættum var brúðuleikur, svo var uglusýning, sögumaður og galdramaður.  Og ég fékk að hjálpa galdramanninum   Samantha var nú ekki ánægð þegar hann reyndi að skera af mér einn puttann og bara hætti að horfa á hann   En klappaði kanínunni sem hann var með eftir sýninguna.  Samantha greyið var orðin drulluþreytt eftir galdramanninn og vildi ekkert sjá meira, vildi bara fara heim, sem við gerðum.  Ekkert smá ánægð með hana, klukkan var orðin 4 þegar við loksins komum heim og við þurftum sama og ekkert að halda á henni   Og þetta er alveg 1 og hálfur tími sem það tekur að labba upp að kastalanum

Svo eldaði ég ekta roast beef þegar við komum heim, með Yorkshire pudding og grænmeti nammi namm   Svo þetta er búin að vera alveg ágætur dagur

Vona að allir aðrir hafi átt góðan páskadag

Nanna galdrakallahjálprari